Систем Ложистикс (System Logistics) бол агуулах, түгээлтийн төв, үйлдвэрлэлийн хангамжийн сүлжээг олон улс даяар оновчлох зорилго бүхий интраложистик, материал тээврийн шинэлэг шийдлээрээ дэлхийд тэргүүлэгч байгууллага.

Шингэн хүнсний бүтээгдэхүүний үйлдвэрлэл, худалдаанд онцгойлон анхаарч захиалагчдын хэрэгцээнд яв цав нийцүүлсэн бүтээгдэхүүн хүлээн авах хэсэг, автомат өрөгч-хураагч кран, автоматаар бүтээгдэхүүн ангилан түгээх хэсэг, тэдгээрийн програм хангамж зэрэг бүрдэлтэй автомат агуулахын системийг хөгжүүлдэг.

     Материал тээвэр, дотоод ложистикийн чиглэлээр тасралтгүй 40 жил ажиллаж буй туршлагатай хамт олон маань захиалагчдынхаа салбарыг маш сайн мэднэ. Тийм ч учраас бизнесийн нарийн ээдрээтэй асуудлуудыг нь нэн оновчтой зохицуулж, хэрэгцээ шаардлагад нь нийцсэн тусгай шийдэл санал болгож чаддаг.

Шийдлүүдийнхээ ихэнх технологийг өөрсдөө бүрэн инженерчилж, хөгжүүлж, үйлдвэрлэж, суурилуулдаг юм. Ингэснээр тухайн процессыг иж бүрэн эзэмших боломж бидэнд бүрддэг. Манай хамт олон урт хугацааны, найдвартай түнш байж чаддаг нь захиалагчидтайгаа нягт хамтран ажиллаж, тэдэнд өдөр тутам тулгардаг сорилт, бэрхшээлийг шийдвэрлэхүйц, ирээдүйд хамтдаа өсч дэвжиж, өөрчлөгдөн хувьсахуйц уян хатан шийдлүүд хөгжүүлдэг учраас тэр.

Бидний гаргаж өгсөн шийдэл үйлдвэрлэл, боловсруулалт, түгээлт, борлуулалт гэхчлэн захиалагч байгууллагуудын маань үйл ажиллагааны бүхий л шатанд нөлөөлж болохыг ухамсарлаж ажилладаг. Чухам тиймээс захиалагчдынхаа үнэ цэнийн гинжин хэлхээг бүхэлд нь харгалзан, урт, богино хугацаат зорилтуудыг үргэлж анхаарч ажилласнаар ашигтай өсөлтөд нь даацтай хувь нэмэр оруулдаг билээ.

System Logistics-ийн амжилтын тулгын чулууд бол загвар, бүтээлч чанар, инновацийн чадавх маань юм. Бид судалгаа, хөгжүүлэлтийн үйл ажиллагаанд жил бүр хөрөнгө оруулж, олон улсын зэрэглэлтэй судалгааны төвүүдтэй үр өгөөжтэй хамтын ажиллагаа тогтоон, ажлын чанар, үр ашгийг дээшлүүлэхүйц шинэлэг шийдэл хөгжүүлсээр байна.